ပြန်လည်အကဲဖြတ်ခြင်း
ပြန်လည်အကဲဖြတ်ခြင်း
ထင်မြင်ချက်ဆောင်းပါးများ ရေးသားခြင်းလက်စွဲ (အပိုင်း ၁၁)
များသောအားဖြင့် စာရေးသူတွေဟာ သူတို့ အားသန်တဲ့ အကြောင်းအရာတွေကိုပဲ ရေးလေ့ရှိကြပါတယ်။ ကိုယ်ရေးခဲ့တဲ့ ဆောင်းပါးတွေကို ပြန်ကြည့်ပါ၊ အကြောင်းအရာတစ်ခုထဲကို ပုံပြီး ရေးနေမိသလား။ ရေးနေမိတယ်ဆိုရင်ဘာကြောင့်လဲ။
ကိုယ်မရေးဖြစ်ပေမယ့် အရေးကြီးတဲ့ တခြားအကြောင်းအရာ တွေဘာတွေရှိသလဲ။ အဲဒီအကြောင်းအရာတွေကိုရော ရေးဖို့ ကြိုးစားကြည့်မလား။
ကိုယ်ရေးခဲ့တဲ့ ဆောင်းပါးတွေထဲမှာ ပြန်ကြည့်တဲ့အခါမှာ ကိုယ် နောင်တရတဲ့ Argument ကိုတွေ့လား၊ တွေ့ တယ် ဆိုရင်တော့ ဒါဟာသင်ခန်းစာ ဖြစ်ပါတယ်။ ဘာကြောင့် နောင်တရစရာ ဖြစ်ရ တာလဲ၊ ဘာမှားသွားသလဲ၊ အချက်အလက်လား၊ ကိုယ့်ဆန္ဒစွဲ ကြောင့်လား။
တချို့အသုံးအနှုန်းတွေကို ဆောင်းပါးတော်တော်များများမှာ ထပ်ပြန်တလဲလဲသုံးနေမိသလား။ နောက်ဆောင်းပါးတွေမှာ ဘယ်လိုရှောင်မလဲ။
ကိုယ့်ဆောင်းပါးတွေကို ပြန်သုံးသပ်တဲ့နေရာမှာ အွန်လိုင်းမှာ လူကြိုက်များတာကိုပဲ မကြည့်ပါနဲ့။ လူကြိုက်များတာကို ကြည့်ပြီး လိုက်ရေးရင် အများအကြိုက်လိုက်တဲ့ကလောင်ရှင် ဖြစ်သွားပါလိမ့်မယ်။
ကိုယ့်ဆောင်းပါးတွေဟာ အရည်အသွေးနဲ့အရေအတွက် မျှတရဲ့လား၊ အပုဒ်ရေ များများကို ဆက်တိုက်ရေးဖြစ်လာရင် အရည်အသွေးကို ပိုသတိထားပါ။ အရည်အသွေးမကောင်းတဲ့ ဆောင်းပါးကိုရေးမိတာထက် ဘာမှမရေးတာက ပိုကောင်းသလားလို့ စဉ်းစားကြည့်ပါ။
ကိုယ့်ဆောင်းပါးတွေမှာ ကိုယ်ပိုင်ဟန်ကို ထူထောင်နိုင်ခဲ့ ရဲ့လား။ မထူထောင်နိုင်ခဲ့ဘူးထင်ရင် ထူထောင်နိုင်ခဲ့တဲ့ ကိုယ့်ရှေ့က စာရေးသူတွေရဲ့ ဆောင်းပါးတွေကို ပြန်လေ့လာကြည့်ပါ။
The Tanintharyi Times
