ခြေဖနောင့်ကွဲခြင်းနဲ့ အိမ်တွင်းကုထုံး

လူအများစုက ခန္ဓာကိုယ်ရဲ့အခြားအစိတ်အပိုင်းတွေကို ဂရုစိုက်တတ်ကြပေမယ့် ခြေထောက်ရဲ့ ကျန်းမာရေးကိုကားဂရုစိုက်ဖို့မေ့နေတတ်ကြပါတယ်။ယခုလို ဆောင်းရာသီမှာ ခြေဖနောင့်ကွဲခြင်းဆိုတဲ့ ဝေဒနာကို အများစုခံစားကြရပါတယ်။အချို့က ခြေဖနောင့်ကွဲခြင်းကို တစ်နှစ်ပတ်လုံးခံစားကြရ သကဲ့သို့ အချို့က ဆောင်းရာသီမှသာ ခံစားတတ်ကြပါတယ်။

ခြေဖနောင့်ကွဲရတဲ့ အကြောင်းတွေ

- ဖိနပ်မပါဘဲလမ်းလျှောက်ခြင်း

-မတ်တပ်အရပ်များခြင်း

-လုပ်ငန်းခွင်မှာ ဖိနပ်မစီးဘဲ အလုပ်လုပ်ရခြင်း

-ရေဓာတ်ခမ်းခြောက်ခြင်း

-ကြပ်လွန်းတဲ့ ဖိနပ်တွေ စီးခြင်း

- ကွင်းထိုးဖိနပ်အစီးများခြင်း

- ရှုးဖိနပ်တွေ အစီးများခြင်း

- ဆီးချိုရောဂါအခံရှိခြင်း

- သိုင်းရွိုက်ဟော်မုန်းချို့တဲ့ခြင်း

- အဝလွန်ခြင်း

- ကိုယ်ဝန်ဆောင်နေရခြင်း

- အရေပြားဓာတ်မတည့်ခြင်း

- ဗီတာမင်စီချို့တဲ့ခြင်း

- ရာသီဥတုအေးလွန်းခြင်း

ခြေဖနောင့်ကွဲခြင်းကို သက်သာစေဖို့ပြုလုပ်နိုင်တဲ့ အိမ်တွင်းကုထုံးတွေ

- ခြေဖနောင့်ကိုသန့်ရှင်းအောင်ထားရပါမယ်။ ညအိပ်ယာဝင်ခါနီးအချိန်မှာ ခြေထောက်ကို ရေနွေးနွေးလေးနဲ့ဆေးကြောပြီးမှ အိပ်ယာဝင်သင့်ပါတယ်။

- ခြေဖနောင့်ကွဲတတ်သူတွေအနေနဲ့ ဖနောင့်ကို အသားအလှဆီလေးလိမ်းပေးနိုင်ပါတယ်။

- အသားအလှဆီမရှိတဲ့နေရာမှာ ပျားရည်လေးလိမ်းပေးနိုင်သလို၊ ထောပတ်လေးလည်းလိမ်းပေးနိုင်ပါတယ်။

- ဘာမှမရှိဘူးဆိုရင် ရှားစောင်းလပတ်အနှစ်လေးသုပ်လိမ်းပေးတာကလည်း ဖနောင့်ကွဲခြင်းကို သက်သာစေပါတယ်။

- ချေထားတဲ့ ငှက်ပျောသီးကို ခြေဖနောင့်မှာ လိမ်းပေးလို့လည်း ရပါတယ်။

- အုန်းဆီလိမ်းပေးတာကလည်း ခြေဖနောင့်ကွဲခြင်းကို သက်သာစေပါတယ်။

- ခြေဖနောင့်ကွဲတတ်သူတွေ အနေနဲ့ ရေများများသောက်ပေးသင့်ပါတယ်။

- သွပ်ဓာတ်ပါတဲ့ အစားအစာတွေနဲ့ အိုမီဂါသရီးဖက်တီးအက်ဆစ်ပါတဲ့ အစားအစာတွေ စားပေးနိုင်တယ်။

(ငါးအဆီ၊ငါးမြင်းဗိုက်သား၊ဆန်လုံးညို၊ဒိန်ချဉ်)

ခြေဖနောင့်မကွဲအောင် ဘယ်လိုကာကွယ်ရမလဲ

- ကြပ်လွန်း၊ ချောင်လွန်းတဲ့ဖိနပ်တွေ စီးတာကိုရှောင်ကြဉ်ရပါမယ်။

- ခြေဗလာနဲ့ လမ်းလျှောက်တာကိုလည်း ရှောင်ကြဉ်သင့်ပါတယ်။

- ခြေဖနောင့်ကို အားပြုပြီးပြုလုပ်ရတဲ့ လေ့ကျင့်ခန်းကို ရှောင်ကြဉ်ရပါမယ်။

- သက်တောင့်သက်သာဖြစ်စေတဲ့ ဖိနပ်ကိုစီးတာက ခြေဖနောင့်ကွဲခြင်းကို ကာကွယ်နိုင်ပါတယ်။

- ခြေဖနောင့်မှာရှိတဲ့ အသားမာတွေ ချေးတွန်းခဲနဲ့ဖယ်တဲ့အခါ အလွန်အမင်းကြမ်းကြမ်းတမ်းတမ်း ဖယ်ခြင်းကို ရှောင်ရှားရပါမယ်။

- ချမ်းအေးတဲ့ဆောင်းရာသီမှာ အရေပြားခြောက်သွေ့တတ်တာကြောင့် ရေများများသောက်ပေးတာက ခြေဖနောင့်ကွဲခြင်းမှကာကွယ်ပေးနိုင်ပါတယ်။

- ဆီးချိုရှိသူတွေအနေနဲ့ကတော့ ချေးတွန်းတဲ့အခါ ဒဏ်ရာမဖြစ်အောင် အင်မတန် ဂရုစိုက်ပေးသင့်ပါတယ်။

- အသားပတ်နေတဲ့ ခြေဖနောင့်ကို သွားဖဲ့ခြင်း၊သွားကုတ်ခြင်းတွေ ရှောင်ရှားခြင်းကလည်း ခြေဖနောင့်ကွဲခြင်းမှကာကွယ်နိုင်ပါတယ်။

- ခြေထောက်ကို အစိုဓာတ်ရှိအောင် အစိုဓာတ်ထိန်းတဲ့ ခရင်လ်တွေလိမ်းပေးနိုင်ပါတယ်။

အထက်ပါ အိမ်တွင်းနည်းတွေနဲ့ ပြုလုပ်ပြီးလို့မှ ခြေဖနောင့်ကွဲခြင်းမသက်သာဘူးဆိုရင်ဖြင့် နီးစပ်ရာ ဆေးပညာရှင်တွေထံ သွားရောက်ကုသသင့်ပါတယ်။

PKN

The Tanintharyi Times

• ပညာပေး
• အခြား