မုတ်သုံကာလမှာ သားသားမီးမီးတို့ကျန်းမာစေဖို့
မုတ်သုံကာလမှာ သားသားမီးမီးတို့ကျန်းမာစေဖို့
မိုးဖွဲဖွဲလေးရွာတဲ့ မုတ်သုံကာလအရောက်မှာ သားသားမီးမီးတွေဟာ နှာရည်တရှုပ်ရှုပ်နဲ့နေမကောင်းဖြစ်ကြရလေ့ရှိပါတယ်။ မုတ်သုံကာလဆိုတာ ပတ်ဝန်းကျင်ရှိလေထုထဲမှာ စိုထိုင်းဆတွေများတတ်ပြီး ဘက်တီးရီးယားနဲ့ ဗိုင်းရပ်စ်တွေ အချိန်ကြာမြင့်စွာနေနိုင်တဲ့ကာလတစ်ခုဖြစ်ပါတယ်။
■ မုတ်သုံကာလမှာ သားသားမီးမီးတို့ အဖြစ်များတဲ့ရောဂါတွေ
- နှာစေးတာ
- ချောင်းဆိုးတာ
- အအေးမိတာ
- လည်ချောင်းနာတာ
- ဝမ်းပျက်ဝမ်းလျှောတာ
- ခြေသည်းလက်သည်းတွေမှာ မှိုစွဲတာ စတာတွေဖြစ်တတ်ပါတယ်။
■အဲဒီရောဂါလက္ခဏာတွေမဖြစ်စေဖို့အတွက်
- ကလေးရဲ့တစ်ကိုယ်ရေသန့်ရှင်းရေးကိုအထူးသတိပြုပေးရပါမယ်
- ဘာပစ္စည်းပဲဖြစ်ဖြစ် ကိုင်တွယ်ပြီးတဲ့အခါ၊ အရုပ်တွေနဲ့ဆော့ပြီးတဲ့အခါ လက်ဆေးဖို့မှာထားသင့်ပါတယ်
- အစာမစားခင်မှာ လက်ကိုဆပ်ပြာနဲ့ပြောင်စင်အောင်ဆေးတတ်ဖို့သင်ကြားပေးထားရပါမယ်
- ကလေးတွေရဲ့လက်ဆိုတာ ရောဂါအတော်များများကိုဖြစ်စေနိုင်တယ်ဆိုတာ သိအောင်ပြောထားပေးရပါမယ်
- အညစ်အကြေးစွန့်ပြီးတဲ့အခါလည်း လက်ကိုဆပ်ပြာနဲ့ပြောင်စင်အောင်ဆေးကြောဖို့မှာကြားသင်ပေးထား ရပါမယ်
- မသန့်ရှင်းတဲ့လက်နဲ့ နှာခေါင်းနှိုက်တာ၊ မျက်လုံးနှိုက်တာ၊ ပါးစပ်နှိုက်တာတွေကို မပြုလုပ်ဖို့အသေအချာ ပြောပြပေးထားပါ
- ကလေးတွေ ကိုင်တွယ်ထားတဲ့ တစ်ကိုယ်ရေသုံးပစ္စည်းတွေကိုလည်း သန့်ရှင်းပေးထားရပါမယ်
- ကလေးတွေဆော့နေကျ အရုပ်တွေကိုလည်း မကြာခဏဆေးကြောပေးသင့်ပါတယ်
- ကလေးရဲ့အသုံးအဆောင်တွေဖြစ်တဲ့ ဖိနပ်၊ထီးကအစ မကြာခဏဆပ်ပြာနဲ့ဆေးကြောပေးသင့်ပါတယ်
- ရေစိုနေတဲ့ဖိနပ်တွေကို မစီးမိဖို့လည်း ပြောပြထားရပါမယ်။ ရေစိုနေတဲ့ဖိနပ်ကိုစီးရင် ခြေသည်းတွေမှာမှိုစွဲနိုင်တာကိုပါ ပြောပြထားသင့်ပါတယ်
- ကလေးတွေရဲ့ ပတ်ဝန်းကျင်မှာနေ့စဉ်ထိတွေ့ရတဲ့ ကြမ်းခင်း၊ အိပ်ရာခင်း၊ အိပ်ခန်း၊ ထမင်းစားခန်းစတာတွေ ကိုလည်းအမြဲလိုလိုသန့်ရှင်းထားပေးရပါမယ်
- အရွယ်မရောက်သေးတဲ့ကလေးတွေကို လူကြီးကိုယ်တိုင်ရေချိုးပေးတာ၊ ချေးညှော်တွေပွတ်ပေးတာ စတာတွေကိုပြုလုပ် ပေးသင့်ပါတယ်
- ရေကိုပုံမှန်ချိုးတာက ခန္ဓာကိုယ်မှာကပ်တွယ်နေတဲ့ မျက်စိနဲ့မမြင်ရတဲ့ ပိုးမွှားတွေရန်ကနေ ကာကွယ်ပေးတယ်ဆိုတာ ရှင်းပြထားရပါမယ်
- မုတ်သုံကာလမှာ ကလေးတို့ကျန်းမာစေဖို့ခြင်အန္တရာယ်ကင်းဝေးစေဖို့အထူးထူးဂရုစိုက်ပေးရပါမယ်
- နေ့လယ်နေ့ခင်း ကလေးတွေဆော့ကစားတဲ့အချိန်မှာလည်း ခြင်ထောင်နဲ့ထားပေးသင့်ပါတယ်
- ခြင်ဖျန်းဆေးတွေကိုလည်း မိမိတို့အိမ်တစ်ဝိုက်မှာဖျန်းထားပေးသင့်ပါတယ်
- ခြင်အောင်းစေတဲ့ ရေဆိုးရေမြောင်းတွေကို ရှင်းလင်းထားရပါမယ်
- ကလေးငယ်တို့ကစားတဲ့အိုးပုတ်တွေမှာလည်း ခြင်တွေခိုအောင်းနေနိုင်တာမို့ အိုးပုတ်တွေကိုလည်း ကလေး မဆော့ခင်စစ်ဆေးသင့်ပါတယ်
- ခြင်အန္တရာယ်ကနေ ကင်းဝေးစေရန် ကလေးငယ်ကို လက်ရှည်အင်္ကျီ၊ဘောင်းဘီရှည်တွေဝတ်ဆင်ထားပေး သင့်ပါတယ်
- ကလေးတို့ကျန်းမာရေးအတွက် အနံ့အသက်မကောင်းတဲ့အင်္ကျီများကိုဝတ်ဆင်ပေးတာမျိုး ရှောင်ကြဉ်သင့်ပါ တယ်။
- မုတ်သုံကာလမှာ ကလေးတို့ရဲ့သောက်ရေသုံးရေကိုလည်း အထူးဂရုပြုသင့်တယ်။
- သောက်သုံးရေမသန့်ရှင်းရင် ဝမ်းပျက်ဝမ်းလျှော၊ အူရောင် ၊ကာလဝမ်း၊ အသည်းရောင် စတာတွေဖြစ်နိုင်တယ်ဆိုတာကို ရှင်းပြပေးထားသင့်ပါတယ်။
- သောက်သုံးမယ့်ရေက မသန့်ရှင်းဘူးလို့ထင်ရင် ရေကိုကျိုချက်ပြီးမှသောက်သုံးသင့်ပါတယ်
- ကလိုရင်းမှုန့်၊ ကျောက်ချဉ်တွေကိုထည့်ပြီး သောက်ရေသုံးရေကို သန့်ရှင်းအောင်ပြုလုပ်ပေးနိုင်ပါတယ်
- မသန့်ရှင်းတဲ့အစားအစာတွေကိုလည်း ရှောင်ကြဉ်သင့်ပါတယ်
- အထူးသဖြင့်ကလေးတွေ စားမယ့်အစားအစာကို ပူပူနွေးနွေးလေးဖြစ်အောင်လုပ်ပြီးမှ ကျွေးသင့်ပါတယ်
- အသားငါးတွေချက်ပြုတ်ရာမှာလည်း ကျက်အောင်ချက်သင့်ပါတယ်
- အသီးအရွက်တွေဆိုလည်း ရေပြောင်စင်အောင်ဆေးတာ၊ ဆားရေနဲ့ ဆေးတာမျိုးလုပ်ပြီးမှ ချက်ပြုတ်စားသောက်သင့်ပါတယ်။
- ကလေးတွေကိုအပြင်စာကျွေးတာထက် အိမ်ချက်စာတွေပဲကျွေးသင့်ပါတယ်
- ကလေးအားနည်းနေတယ်ထင်ရင် ကလေးအားဆေးများကိုလည်းတိုက်ကျွေးသင့်ပါတယ်
- ကလေးအအေးမမိစေဖို့ နွေးနွေးထွေးထွေးထားသင့်ပါတယ်
- မိုးဖွဲထဲမှာအချိန်ကြာကြာဆော့မိတာမျိုးမဖြစ်အောင် ဂရုပြုသင့်ပါတယ်
- ကလေးကျောင်းသွားတဲ့အခါ မိုးကာအင်္ကျီ၊ ထီးစတဲ့အကာအကွယ်တွေကိုပါ ထည့်ပေးလိုက်သင့်ပါတယ်
- မိုးရေကြီးထဲ တစ်ယောက်တည်း ဘယ်မှမသွားဖို့ပါ ပြောပြပေးထားရပါမယ်
- မုတ်သုံကာလတွေမှာ လျှပ်စီးလက်တတ်တယ်ဆိုတဲ့အကြောင်း၊ မိုးကြိုးပစ်တတ်တယ်ဆိုတဲ့အကြောင်းပြောပြ ပေးထားသင့်ပါတယ်
- မုတ်သုံကာလမှာ ကျန်းမာနေစေဖို့ ကလေးတို့စားမယ့်ပေါင်မုန့်ကအစ မှိုတက်နေလားဆိုတဲ့ အသိနဲ့ စစ်ဆေးပြီးမှ ကျွေးသင့်ပါတယ်
- ကလေးကျန်းမာသွက်လက်နေစေဖို့ လတ်ဆတ်တဲ့အသီးအနှံ့တွေကိုပဲကျွေးမွေးသင့်ပါတယ်။
PKN
(ဆောင်းပါးရှင် PKN ဟာ တိုင်းရင်းဆေးတက္ကသိုလ်က ( B.M.T.M) ဘွဲ့ရ တိုင်းရင်းဆေးဆရာတစ်ဦးဖြစ်ပါတယ်။)
The Tanintharyi Times
