မြောက်မြန်မာ မဖြစ်ကြပါစေနဲ့
မြောက်မြန်မာ မဖြစ်ကြပါစေနဲ့
ကိုယ့်နေရာလေး ကွက်အေးနေရုံနဲ့ အေးနေပါတယ်လို့ ဆိုဖို့ မသင့်ပါဘူး။ ကိုယ်ချင်းစာတရားဟာ လူပီသဖို့အတွက် မရှိမဖြစ် ဆောင်ထားရမယ့် တရားပါ။ ဘယ်ဘာသာဝင်ပဲဖြစ်ဖြစ် ကိုယ်ချင်းစာစိတ်၊ သနားဂရုဏာစိတ်ထားဖို့သွန်သင်ဆုံးမကြတာချည်းပါပဲ။
သတ်ဖြတ်နှိပ်စက် ခံနေရတဲ့ သူတွေဟာ ကိုယ့်ရဲ့ မောင်နှမသားချင်း၊ သွေးချင်းညီနောင် တွေပါ။ ကိုယ်နဲ့ သိပ်မဝေးလှတဲ့ နေရာမှာ မိစ္ဆာတွေ ဖန်တီးထားတဲ့ ငရဲကိုသူတို့တတွေ ရင်ဆိုင်ကြုံတွေ့ နေကြရပါတယ်။ နာကျင်ရတဲ့ နေ့ရက်များစွာကို ဖြတ်သန်းနေရသူတွေအတွက် ကိုယ်ချင်းစာတဲ့အနေနဲ့ ကိုယ့်ရဲ့ပျော်ရွှင်ချင်တဲ့ စိတ်ကို ခဏတာ သိုဝှက်သိမ်းဆည်းထားကြရအောင်ပါ။
ငြိမ်းပန်
The Tanintharyi Times