နဘုလယ်ဒေသက အမျိုးသားတစ်ဦးပစ်သတ်ခံရ
နဘုလယ်ဒေသက အမျိုးသားတစ်ဦးပစ်သတ်ခံရ
ရေဖြူမြို့နယ်၊ နဘုလယ်ဒေသမှာ အမျိုးသားတစ်ဦး ဒီနေ့ နေ့လည်ပိုင်းက ပစ်သတ်ခံလိုက်ရတယ်လို့ ဒေသခံတွေထံကနေသိရပါတယ်။
ပစ်သတ်ခံရသူဟာ နဘုလယ်ဒေသ ထိန်ကြီးကျေးရွာနေ အသက် ၃၂ နှစ်အရွယ် ကိုနေဇာမိုးဆိုသူဖြစ်တယ်လို့သိရပါတယ်။
သူဟာ နေ့လည် ၂နာရီဝန်းကျင် လောက်က ထိန်ကြီးကျေးရွာ နဲ့ပရဒတ်ကျေးရွာ ကြားကလမ်းပေါ်မှာ ပစ်သတ်ခံလိုက်ရတာဖြစ်တယ်လို့ ဒေသခံကဆိုပါတယ်။
“သူကအရင်ကနဘုလယ်မှာနာမည်ကြီးပျူစောထီးတွေနဲ့ရင်းနှီးတယ်။ သူတို့အိမ်တွေကိုအဝင်အထွက်အသွားအလာရှိတယ်။ မူးယစ်ဆေးဝါးရောင်းဝယ်တာတွေလည်းလုပ်တယ်” လို့ဒေသခံရွာသားတစ်ဦးကပြောပါတယ်။
အဲဒီပြောဆိုချက်အပေါ်မှာ တနင်္သာရီတိုင်းမ် သတင်းဌာန အနေနဲ့သီးခြားအတည်ပြုနိုင်တာမျိုးတော့မရှိသေးပါဘူး။
သူ့ကိုဘယ်အဖွဲ့ကဘာကြောင့်ပစ်ခတ်ခဲ့တယ်ဆိုတာကိုတော့ ထုတ်ပြန်ထားတာမျိုးမရှိသေးပါဘူး။
အခုလက်ရှိမှာတော့ ကိုနေဇာမိုးရဲ့အလောင်းကို ပရဒတ်ကျေးရွာသင်္ချိုင်းမှာထားထားတယ်လို့ သိရပါတယ်။
The Tanintharyi Times