ရွှေကုက္ကိုဒေသအနီး ထိုင်း-မြန်မာနယ်စပ်မှာ ထိုင်းအထူးတပ်ဖွဲ့တွေ လုံခြုံရေးချထား
ရွှေကုက္ကိုဒေသအနီး ထိုင်း-မြန်မာနယ်စပ်မှာ ထိုင်းအထူးတပ်ဖွဲ့တွေ လုံခြုံရေးချထား
ရွှေကုက္ကိုဒေသနဲ့ ထိစပ်နေတဲ့ ထိုင်းဘက်ကနယ်စပ်ခရိုင်တွေမှာ အထူးတပ်ဖွဲ့ဝင်တွေကိုမနေ့ကစပြီး လုံခြုံရေးချထားတယ်လို့ ထိုင်းသတင်းတွေက ဖော်ပြထားပါတယ်။
ဖော်ပြထားတဲ့ သတင်းဓာတ်ပုံမှာတော့ ထိုင်းအထူးတပ်ဖွဲ့ဝင်အမှတ်(၃၅)ရိန်းဂျားတပ်ဖွဲ့က လက်နက်တွေကို အသင့်ပြင်ဆင်ထားတာတွေကို မြင်တွေ့ရပါတယ်။
စစ်ဘေးရှောင်တွေယာယီခိုလှုံနေတဲ့ မဲရာမက်ခရိုင်၊ ထဆောင်ယန်းခရိုင်နဲ့ တာ့ခရိုင်နယ်စပ်တစ်လျောက်မှာ တော်ဝင်ထိုင်းရဲတပ်ဖွဲ့အမှတ်(၃၅၀၁)၊ (၃၅၀၂)၊ (၃၅၀၃)နဲ့ (၃၅၀၆)တို့ ဘန်ဝမ်ဖမ်စစ်ရေးအခြေစိုက်စခန်းမှာ အင်အားချထားပြီး မြန်မာဖက်က အခြေအနေတွေကိုစောင့်ကြည့်တဲ့ကိရိယာတွေပါ တပ်ဆင်နေတယ်လို့ သတင်းတွေက ဖော်ပြပါတယ်။
ပြီးခဲ့တဲ့ဖေဖော်ဝါရီလက ကော့သောင်းခရိုင် ခမောက်ကြီးမြို့နယ် ရှမ်းကိုးရွာဒေသမှာ တိုက်ပွဲတွေဖြစ်ပွားခဲ့တုန်းကလည်း ထိုင်းမြန်မာနယ်စပ်တစ်လျှောက်မှာ ခြံစည်းရိုးခတ်ပြီး လုံခြုံရေးအင်အားချထားခဲ့တဲ့လုပ်ရပ်တွေ ထိုင်းဘက်ကလုပ်ခဲ့ပါတယ်။
ကိုးကား-မဲဆောက်မီဒီယာ
The Tanintharyi Times