မြန်မာနိုင်ငံသား ၁၄ ဦးကို ထိုင်းနယ်ခြားစောင့်တပ်ဖွဲ့ ဖမ်းဆီး
မြန်မာနိုင်ငံသား ၁၄ ဦးကို ထိုင်းနယ်ခြားစောင့်တပ်ဖွဲ့ ဖမ်းဆီး
တနင်္သာရီတိုင်းမ်၊ ဧပြီ ၁၁
မယ်ဟောင်ဆိုင်ခရိုင်ထဲမှာ မြန်မာနိုင်ငံသား ၁၄ ဦးကို ထိုင်းနယ်ခြားစောင့်ရဲတပ်ဖွဲ့က ဖမ်းဆီးခဲ့တယ်လို့ ဒေသအခြေစိုက်မီဒီယာတွေက ဖော်ပြထားပါတယ်။
ထိုင်းနိုင်ငံ မယ်ဟောင်ဆိုင်ခရိုင်ထဲက ဟွေ့ပုံးကျေးရွာအုပ်စုရှိ ပါလန်းကျွေးရွာက ဦးမောင်ရဲ့နေအိမ်မှာ မြန်မာနိုင်ငံသား ၁၄ ဦး တည်းခိုနေစဥ် ထိုင်းနယ်ခြားရဲတပ်ဖွဲ့ အမှတ် (၃၃၆) က အခုလ ၈ ရက်နေ့က ဝင်ရောက်ဖမ်းဆီးခဲ့တာဖြစ်ပါတယ်။
တည်းခိုနေသူတွေဟာ ပွဲစားခအဖြစ် တစ်ဦးကို ဘတ်ငွေ ၂၅၀၀ ခန့်ပေးခဲ့ရပြီး တည်းခိုနေတာ တစ်ပတ်ခန့်ရှိပြီ လို့လည်း သိရပါတယ်။
အိမ်ရှင်ဦးမောင်ကိုတော့ တရားမဝင်ခိုးဝင်သူတွေကို နေရာထိုင်ခင်းပေးတာ၊ ပုန်းအောင်းဖို့ကူညီတာ စတဲ့ပြစ်မှုတွေနဲ့ တရားစွဲဆိုထားပြီး ခိုးဝင်လာတဲ့ မြန်မာနိုင်ငံသားတွေကိုတော့ လူဝင်မှုကြီးကြပ်ရေးဥပဒေနဲ့ တရားစွဲဆိုမယ်လို့ ထိုင်းအရာရှိတွေကပြောပါတယ်။
အခုလ ၃ ရက်နေ့ကလည်း ဘုရားသုံးဆူနယ်စပ်မှာ ထိုင်းနိုင်ငံကိုခိုးဝင်လာတဲ့ မြန်မာနိုင်ငံသား ၁၉ ဦးအဖမ်းခံခဲ့ရပါတယ်။
ကိုးကား-မယ်ဟောင်ဆိုင်မီဒီယာ
The Tanintharyi Times